عارفين يعني أيه صداقة؟، يعنى حد قريب من قلبك، بيشاركك فى كل حاجة، بيحس بحزنك وبيكون أول حد بيقولك انا جمبك سندك.
بيلاحظ تغير ملامحك من عير ما تشرح، بيحبك فى كل حالاتك، بيخاف على زعلك قوى حتى لو انت غلطان بيبقى مسامحك بس مستنيك، تسأل، بيحبس الكلام جواه عشان خايف ان ممكن كلامه يجرحك أو يضايقك.
المزيد من المشاركات
الفنان عمر الشريف والفنان احمدزمزى، كانوا اصدقاء قوى، احمد زمزى كان عصبى شوية، كان لما يتنرفز بيغلط، ولما كان يزعل منه عمر الشريف، بيروح يصالحه بعد ما يهدى، لإنه عارف انه بيحبه، ومش هيقول علية ضعيف ولا اتنازل، بالعكس كان بيقابله بحب وكأن مفيش حاجة حصلت بينهم.
وفى يوم زعلوا من بعض، وأحمد رمزى مارحش يصالح عمر الشريف كالعادة، راح عمر الشريف لحد عنده واول احمد رمزى ماشافه اخده فى حضنه وبكى أحمد رمزى بكاء شديد، عمر الشريف سأله ليه مجتش تصالحنى المرة دى، قالوا حبيت اشوف لو انا مجتش هتسأل عليا ولا انا رخصت نفسى ولازم انا اللى اصالحك على طول، وكنت خايف متجيش ولما جيت فرحت وحاسيت إن روحى رجعت لى.
هو ده الحب، مش لازم اللى بحبك تخليه يجى على نفسه كل مرة، مش عيب انك تحسسه أنه غالى وأن وجوده مهم ومش ممكن تخسره بغلطه أو خلاف.
عبروا لبعض عن مشاعركم، امسكوا فى اللى بيحبكم قوى قبل فوات الأوان.
نانيس محمد علي – كاتبة ومهندسة مصرية
التعليقات مغلقة.