إزاي أوثق صفحتي ؟

هو السؤال الأكثر شيوعا عند أغلب صفحات البيزنس و هو (توثيق الصفحة) و من خلال محاولات التوثيق ورغبتك في الحصول علي (العلامة الزرقاء) بتتعرض لعمليات إحتيال أو خداع باسم الوساطة للتوثيق و ده سببه عدم الدراية الكاملة.

توثيق الصفحات فايدته إعطاء الثقة للعملاء لأن الصفحة بيتم (إعتمادها) رسميا من Facebook و ده مهم جدا للحفاظ علي حقوق الملكية و العلامة التجارية و عدم تزوير صفحات بأسماء مشابهة و ده مهم جدا ل:

-العلامات التجارية.

-الشخصيات العامة.

-المؤسسات العامة.

-المؤسسات الإعلامية.

توثيق الصفحات من خلال إرشادات فيسبوك نفسه و ممكن توثق صفحتك من خلال ربطها بحسابك الشخصي، و لتوثيق الصفحة أو الحساب الشخصي مطلوب منك:

1-وجود غلاف Cover.

2-صورة شخصية Profile.

3-اسم يوافق تعليمات فيسبوك.

4-محتوي منشور:

مهم جدا في المحتوي أنه يكون خاص بك و غير منقول أو بيحتوي علي علامة تجارية أو حقوق ملكية لجهات أخري.

5-تفتح المتابعة Follow و ده للحسابات الشخصية بس.

مهم جدا:

1-وجود أوراق هوية رسمية (بطاقة-باسبور-رخصة قيادة).

2-تشرح في ال Application ليه مهم و محتاج علامة التوثيق الزرقاء.

3-ما تقدمش أكتر من طلب خلال 30 يوم.

4-في حالة رفض طلبك هتتمكن من التقديم مرة تانية خلال 30 يوم جديدة.