موسيماني من بداية الموسم الجديد والموس بيتبع سياسة لعب مباراه ودية في أي توقف للفريق لتجهيز اللاعيبة الي مش بتشارك بشكل أساسي مع الفريق الأول + تجريب بعض اللعيبة في مراكز جديده في طريقة ٣٤٣ المتبعة لموسيماني خلال الفترة الحالية..
خاض الاهلي لحد الان 3مباريات امام كل م بتروجيت والمرج ومنية سمنود ..
بالأمس بدء موسيماني 
بتشكيل مكون من
بتشكيل مكون منشوبير
هاني ربيعة ياسر
كريم فؤاد عمار عبد القادر حسين
وليد سليمان طاهر حسام حسن
لو فكر الراجل في تجهيز #هاني لمركز مدافع تالت كبديل لبانون والاستفادة من قدرات هاني الدفاعية فكرة ممتازه واستغلال لامكانيات كل اللعيبة الي ف القائمة لأن الموسم طويل ووارد يحصل إصابات واجهاد للعيبة ..
تجهيز #كريم_فؤاد كبديل لمعلول وكريم عنده امكانيات رهيبة سرعه ومهاره وبيلعب برجليه الاتنين + الكروس بتاعه مظبوط وامبارح شارك في كذا هدف بعرضياته ..الجوهرة #عبدالقادر اللاعب دا بيمتلك امكانيات هائلة سواء مهاره أو رؤية في الملعب وسرعات وتحركات بالكره وفرحت جدا أنه صرح أن موسيماني بيتكلم معاه كتير ومهتم بيه والفرصة هتجيلة قريب سواء كبديل لقفشة في مركز 10او جناح شمال قدام معلول ..
المزيد من المشاركات
عندنا مهاجم شرس اسمه حسام حسن، وموسيماني، واضح أنه واثق فيه وهيعتمد عليه الفتره الجاية لأن حسام من المهاجمين الي بيتحركوا كتير وطويل القامه في العالي كله بتاعه +أنه بيقدر يعمل دور المحطه في نص الملعب ويفتح المساحات للاجنحه للاختراق وموسيماني بيعمل الجملة دي كتير لما بيقرر يخترق م العمق ..هل #ربيعة يقدر يقوم بدور حمدي فتحي ربيعه بتاع زمان لعبها ونجح فيها مع جوزية ومع عبد العزيز عبد الشافي ومع فتحي مبروك ولكن الإصابات غيرت كتير في مستوي ربيعه ولكن لو هدي شوية وركز كورة وبطل تهور هيبقي بديل ناجح لحمدي..موسيماني واضح أنه بيجتهد وعايز يقدم جديد للاهلي الموسم الحالي وبصراحه من المدربين القلائل الي بيسعي أنه يطور نفسه وواضح أن الراجل بيتفرج ع كورة أوروبية ومدارس مختلفة وبيحاول ينقل الاهلي كداء ونتائج لحته مختلفة نتمني له التوفيق الفترة الجاية والدعم لأنه يستحق ذلك
التعليقات مغلقة.