أصعب درس بتتعلمه من الشغل والحياة المهنية إن مش كل واحد ناجح يستحق النجاح ومكانته الحاليه ، ومش كل حد علي القمه قدوه وحقق الانجاز .
كتير وصلوا للقمه بالخداع وتزيف الكلام أوالتطبيل ، وإن إنسان أقل من العادي وقدراته متواضعه لكنه بيجيد فن اللقطه من إنجازات تافهه ، ومهارات وهميه بيوصل و يخلق لنفسه فرص أكثر بكتير من إنسان مبدع .
الحياة المهنية بتعلملك إن الخير مش دايما كسبان ، وإن الوصول بالحق أصعب بسبب القيود الاخلاقيه اللي بتصعب علي صاحبها الطريق .
المزيد من المشاركات
ولكن إنتظر…..
فإن أفضل ما في الدرس أنك بتدرك إن الوصول بالصح والاخلاق آهدي وكله راحه بال ورضا ومفيش فيه قلق أو توتر وتخوين .
بتدرك إن بعض المعارك خسارتها شرف .
وإن النجاح مش في الوصول للقمه … النجاح في النجاه بأخلاقك ومعاييرك وإن كل الدنيا لا تسوى قدام سلامك النفسي وإستقرارك الداخلي وطمانينة قلبك والنومه الهنيه وأنت مرتاح الضمير .
الانجاز الحقيقي انك تخرج من منصبك بشرف وقد أديت الأمانة ورسالتك وصلت باحترام لكل من تعامل معك .
التعليقات مغلقة.