والله العظيم دا نداء للسيد رئيس الجمهورية والسيدة وزيرة الثقافة والسيد نقيب الفنانين،
نرجوكم نتوسل اليكم تدخلوا بكل ما أوتيتم من قوة للتأثير في المجتمع المصري وبكل قوة ردع لديكم لإيقاف المذكور أساميهم:
– أولا الشخص المدعو محمد رمضان
– ثانيا الشخص المدعو حمو بيكا المجاهر بالمعصية
– ثالثا الشخص المدعو عمر كمال
المزيد من المشاركات
لم يعد في جهدنا جهد ولم تعد لدينا قدرة علي الحديث عن أى قدوة او حسن سير وسلوك او حتى حسن الخاتمة… ماهذا الذى يحدث جهر بالمعصية وتباهى بالنعمة كالمحدث.. كم من فنانين اغنياء في مصر ولم نشاهد منهم مثل الذى يحدث الان كم من فنان طلع ورمى فلوسه في المياه كمن اصيب بلوثة عقلية… كم من فنان خرج علينا واعلن ان مصر جميعها تشرب الخمر وهو يضحك مسبهل وغير مدرك انه خالف قانون إلهى سيدفع ثمنه لا محال.. . طيب هل لي الفرصة ان ادخل محاضرة واتحدث فيها مجددا عن سينااء وعن بطولات القوات المسلحة هنااك وهؤلاء هم القدوة واصحاب الملايين؟؟؟.
طب إزاى أقنع طالب إنه يروح يدافع عن مصر ويستشهد زى كتيير غيره وهو حاسس بالعجز امام هؤلاء المتجبرين بالماال طب فين الفن اللي بيقدموه طب ازاى افهم اولادى في سن خطر زى دا ان مقتضيات العمل السياسي مالهاش علاقة بالتطبيع اللي عمله الفنان.. طب اتكلم عن الصهيونية وحرب 73 ازاى في محاضرتي عن سيناا اللي بعملها في كل مكان قمت بالتدريس فيه.
عندى شعور بالعجز بالفشل بالتراجع فين مثقفين مصر اللى الناس كانت بتستنى منهم مقال عشان تفهم اللي بيحصل حوالينا.. فين هيكل… فين مصطفي امين… فين عبدالحميد جودة السحار… فين يوسف ادريس.. فين فاتن حمامة فين نجيب محفوظ.. فين عبدالله غيث فين مثقفينك يامصر.. مصر اتقتلت قوتهاا الناعمة انسحقت..
أنا ضد ثقافة التوك توك.. ضد ان يكون ابناء مصر مغيبيين سطحيين ندير معاركنا بالنطح والصوت العالي.. ممكن اعرف رد فعل الفنانين السالف ذكرهم او اى فنان علي ازمة سد النهضة غير الكلام العشوائي بتاع هانطربق السد عليهم انتوا فاكرين كام فيلم اتعمل في مصر عن السد العالي.. فاكرين ماجدة والحقيقة العارية اللى اتصور كله عند السد العالي..
فاكرين فيلم سعاد حسني الناس والنيل.. فاكرين فيلم عروس النيل… مين من الناس دى ممكن يقود الفن والثقافة خلال ال20 سنة القادمة….. مصر في خطر اوقفوا هؤلاء.
التعليقات مغلقة.