الخبير الاقتصادي المهندس أحمد صالح مدير معرض الشرقاوي اوتو للسيارات فى حوار حول مستقبل سوق السيارات فى مصر..
*في البدايه نحب نتعرف على سيرتك الذاتيه؟!
_انا بدأت من ٣ سنين ف تجارة السيارات مع شريكي الاستاذ محمد الشرقاوى ، معرض الشرقاوي اوتو للسيارات ، بشتغل ف الكسر زيرو مش ف العجل الجديد..
*هل المعرض يركز علي فئات معينه من المجتمع ولا عندك كل الأنواع والاذواق والمستويات ؟!
_ لا احنا عندنا هو الكسر الزيرو بس ، يعني شغالين ف المستعمل انا عندي حاجات من ٢٠١٧ ، ٢٠١٨ ، ٢٠١٩ ، ٢٠٢٠ عندي كل الأنواع، جراند _ BMW _ مرسيدس ، عندي عجل زيدان ، نيسان _ هونداي _ كاي ..
*ما هي متوسط اسعار السيارات ف المعرض ؟!
_يوجد عجل من ١٥٠ الف الي ٩٠٠ الف ، يعني عندي عربيه جراند شروكي ٢٠١٨ ف رنج ٧٥٠ الي ٨٠٠ الف..
*ما هو نظام الدفع والتسهيلات الممنوحه للعملاء؟!
_والله طالما العميل معاه فلوسه بيشوف العربيه اللي هو عايزها لو عجبته بيخلص فيها وياخدها ويمشي ، سواء عايزني اعمله توكيل بعمله او محتاج يسجل عقد بسجله..
*هل هناك تعاون بين المعرض والبنوك لتسهيل عمليه البيع ؟!
_لا مش للدرجاتي هو المعظم العمله ممكن يكونوا معارف فبيتم التعامل بينا مش تبع البنوك ..
*ماهي الأوراق المطلوبه من العميل عشان يشترى عربيه؟!
_انا بالنسبالي مفيش أوراق مطلوبه العميل يخش ياخد العربيه اللي هو عايزها مثلا عربيه ٢٠٠ يدفعهم وياخذها ، انما لو صديق مش باخد من ضمانات حسب الاتفاق بينا وطريقة الدفع والتسديد..
*هل يوجد خدمه ما بعد البيع ف المعرض ؟!
_لا مفيش الكلام ده..
*هل هناك فترة ضمان يقدمها المعرض للعميل ؟!
_لا هو العميل بياخدها ف اي مركز صيانه ويكشف عليها لو عجبته بياخدها ولو مش عجباه بيشوف واحده غيرها..
*طيب كلمني عن البرنامج الدورى للصيانه ؟
_الزبون اللي بيجي عندي عشان يبيع العربيه انا بشيك عليها لو محتاجه كوتش مثلا او التكيف ضعيف بشحنه او محتاجه طقم سيرفيس كامل وتغير زيت بحيث العميل اللي هيشتريها مني ياخدها كويسه مش محتاجه حاجه..
*ما هو الإجراء المتبع في حاله إرجاع السياره او استبدالها ؟!
_حسب الاتفاق مع العميل ، احنا بنكتب عقد وقيمة الشرط الجزائي مثلا ٥٠٠٠ لو رجعها بعد اسبوع بحسب اليوم ٥٠٠ جنيه غير الشرط الجزائي ، دا ف حاله الارجاع اما ف حالة الاستبدال بخصم نسبه بسيطه للعماله الموجوده معايا ف المعرض..
*هل هناك مميزات اضافيه ف معرضكم لجذب العملاء؟!
_لا مفيش ، العميل بيخش اي معرض طالما العربيه عجباه..
*خلينا نتكلم شويه ع ان بعض المعارض بتستبدل القطع الاصليه بقطع غير اصليه زي الكوتش او البطاريه الي آخره؟!
_والله هو فيه كدا ، زي اوتو سمير ريان _ حميدو _ الديب ، مثلا العربيه بيبقا فيها كاسيت كويس وشيك بيتم استبداله بكاسيت اخر ب ٣٠٠ او ٤٠٠ جنيه ، جانط مثلا يتشال ويتركب طاسه ، طبعا كل دي بتقل من قيمه العربيه وبياخدوها ويصرفوها بمعرفتهم..
التعليقات مغلقة.