عبد الله رشدي: إسرائيل مفيهاش رجالة

كشف الدكتور عبدالله رشدي، العالم الأزهري، عن حقيقة نسل بنو إسرائيل بدءً من واضع حجر أساس المسجد الأقصى “مسرى رسول الله” وحتى وقتنا هذا، ملخصا حواره في النقاط التالية:

أولا/ اللي وضع بناء بيت المقدس هو سيدنا آدم، وبعدين اللي جدده هو سيدنا يعقوب، ثم جدده سيدنا سليمان مرة أخرى تجديدا كاملا..

ثانيا/ سيدنا سليمان جدده.. مش أنشأه من العدم.. يعني هو كان موجود قبل سيدنا سليمان زي ما قلنا فوق.

ثالثا/ سيدنا سليمان لما مات سنة 931 قبل الميلاد تقريبا، أولاده انقسموا بعده لفريقين واختلفوا فيما بينهم، فعملوا مملكتين:

المملكة الأولى: مملكة “إسرائيل” في الشمال، ودي الملك بتاعها كان اسمه”يربعام”ودا بايعه عشرة أسباط من أسباط بني إسرائيل.

المملكة الثانية: مملكة “يهوذا” في الجنوب ودي ملكها كان اسمه “رصبعام” ودا بايعه سبطين فقط من أسابط بني إسرائيل.

رابعا/ مملكة الشمال سقطت سنة 721 قبل الميلاد، ومملكة الجنوب سقطت على يد القائد البابلي “نبوخذ نصر” سنة 586 قبل الميلاد.. ومن وقتها لم تقم لهم دولة إلا في سنة 1948 إلى الآن يعني آخر سبعين سنة دول.

خامسا/ نستنتج من اللي فات دا إيه؟…إن كل عمر حكم اليهود في فلسطين هو لا يتجاوز 415 سنة تقريبا، بينما الوجود العربي فيها هو من أربعة آلاف سنة قبل الميلاد على يد العرب اليبوسيين.

يعني الحكم اليهودي لهذه المنطقة كان 4 قرون في مقابل الوجود العربي فيها اللي عمره 56 قرنا من الزمان.. من 4 آلاف سنة قبل الميلاد و2000 عام بعد الميلاد حتى اليوم.

فالعرب كانوا موجودين فيها قبل قيام المملكتين وبعد فناء المملكتين..العرب هم السكان الأصليون اللي استوطنوا بيت المقدس وعمروه وبنوه.

وختاما/ لما حبيت أحط صورة لتخاذل جنود الاحتلال طلعت لمُجَنَّدات.. مش لاقي عندهم رجالة يا جماعة.