اتعودت ماكتبش حاجة غير لما تكون مهمه زي ماتعودت واتربيت أني ماجرحش في حد ولا أهينه لأني ماحبش أتهان ولا حد يجرحني..
بالنسبة للمخرج محمد سامي والفنانة مي عمر، أنا ماعرفهمش شخصيًا لكن أتفرجت على كذا مسلسل لمحمد سامي وعجبني شغله جدًا زي ما عجب كل الناس وأنا قاصده أقول كل الناس لأن لما كان بيتعرضله مسلسل كان كل ما أشوف حد يكلمني عن مسلسله والجملة بصراحه اللي كنت بسمعها محمد سامي، بينجح أي حد يخرجله أما بقى مي عمر شوفت لها فيلم تصبح على خير مع النجم تامر حسني وكانت عامله دور حلو ولطيف وبعدها مسلسل لؤلؤ اللي تقريبًا كل الناس في نفس الوقت اللي كانت بتشتم فيها كانت مابتسيبش حلقة واحدة.. اللي عاوزه أقوله هو احنا بننسى ليه الحلو بسرعه ونمسك في الوحش ونفضل نحاسب بعض ونجرح أنا بتكلم لأني زعلت جدًا لما لقيت ألفاظ كلها تجريح وإهانة وشماته فيهم لدرجة غريبة وملفتة وكأنهم خدوا رزقهم أحنا ممكن ننتقد من غير ما نهين ونشتم ونجرح.
يا جماعة راعوا مشاعر بعض راعوا أن النقد بالشكل البشع ده يهد ويموت والله ما أعرفهم لكن زعلت عشانهم وقولت ليه الشماته والإهانة دي كلها وكأنه طار وفجأه طلعت كل سلبياتهم ومشاكلهم في البلاتوه.. طيب اشمعنى دلوقتي؟!.
أنا مشوفتش المسلسل ولا بتكلم عنه لكن بتكلم عن مبدأ النقد والتجريح.. مين في اللي جرح يحب يتقاله الكلام ده؟!.
عارفه أن في ناس هتدخل تهاجمني أو كمان تشتمني بس والله كلمتين وكان لازم أقولهم.
– منشور على الصفحة الشخصية الإعلامية لمياء فهمي عبد الحميد في الفيسبوك
التعليقات مغلقة.