طريقة عمل السبانخ بلسان العصفور والطشة.. خطوات بسيطة
موقع المصري الإخباري يعرض لكل أسرة وسيدة طريقة عمل السبانخ بلسان العصفور والطشة.
طريقة عمل السبانخ بلسان العصفور والطشة
مقادير عمل السبانخ
4 حزم من السبانخ الحزمة ب ٥ جنية نضفيها واغسليها وقطعيها وقطعي عليها حزمة كيبرة من الكسبرة الخضرا
قطعي بصلتين كبار تقطيع صغير وحمريه في معلقة كيبرة سمنة وشويه زيت لما البصل يصفر حطي السبانخ تتشوح
وقلبيها مع البصل وغطيها وهدي النااار عليها وسيبها تنزل ميتها وتتشوح بعد كدا انزلي عليها بطماطم مفرومة ومتصفية ورشة ملح وفلفل اسود ومكعبين مرق لو متاح.
طريقة عمل السبانخ باللسان عصفور
عندك شوربه استغني عن مكعبين المرق قلبي الطماطم مع السبانخ وغطيها وسيبها تتسبك معاها.
بعد كدا حطي كوبيتن مية أو كوبيتن شوربة وحمصي شوية من اللسان عصفور في معلقتين زيت وحطيهم في السبانخ، وقلبيهم وغطيها وسيبي اللسان عصفور يستوي.
أفضل طريقة لعمل السبانخ
في نفس الطاسة اللي حمرنا فيها اللسان عصفور حطي معلقة سمنة ومعلقة زيت وحمصي معلقة صغيرة من الثوم المفروم ومعلقة صغيرة من الكسبرة الناشفة وطشيها عالسبانخ وقلبيها وبعد كدا أطفي.
ممكن تعملي معاها رز بشعرية أو تتاكل بالمعلقة أو بالعيش مع المخلل والسلطات.
التعليقات مغلقة، ولكن تركبكس وبينغبكس مفتوحة.